ورکرز کنونشن سے عمران خان کا خطاب تمام چینلز نے براہ راست دکھایا لیکن اس کے باوجود چیئرمین تحریک انصاف نے میڈیا پر بلیک آؤٹ کا الزام عائد کر دیا۔
گزشتہ روز عمران خان نے لاہور میں تحریک انصاف کے ورکرز کنونشن سے خطاب کیا تھا جس میں انہوں نے الیکشن کمیشن کو شدید تنقید کا نشانہ بناتے ہوئے ن لیگ کا ایجنٹ قرار دیا تھا۔
تقریبا تمام نیوز چینلز نے عمران خان کا خطاب براہ راست دکھایا لیکن خطاب کے دوران عمران خان نے میڈیا پر تحریک انصاف کا بلیک آؤٹ کرنے کا الزام لگا دیا۔
عمران خان نے دعویٰ کیا کہ ان کے دورِ حکومت میں میڈیا آزاد تھا، 80 فیصد پروگرام حکومت کے خلاف چلتے تھے، آج آزادی اظہار کی آواز اٹھانے والے کہاں ہیں؟