الیکشن نہ کرانےکا مشورہ

انتخابات کے انعقاد کے لیے ماحول سازگار نہیں،آئی ایس آئی، آئی بی اور سی ٹی ڈی نے حملوں کے خدشات ظاہر کردیئے

چیف الیکشن کمشنز کی زیرصدارت اہم اجلاس،کیورٹی اداروں نے الیکشن کمیشن کو تھریٹس کے حوالے سے آگاہ کیا ، دونوں صوبوں میں فی الحال انتخابات نہ کرانے کی تجویز دے دی

پنجاب میں پولیس کے علاوہ 2 لاکھ 97 ہزار دیگر قانون نافذ کرنے والے اداروں کے اہلکار درکار ہوں گے جبکہ خیبر پختون خوا میں 56 ہزار مزید نفری درکار ہوگی،الیکشن کمیشن حکام

اجلاس میں خفیہ اداروں نے ممکنہ دہشت گردی کے خدشات کے پیش نظر انتخابات کرانے کی متفقہ طور پر مخالفت کی، ذرائع ، الیکشن کمیشن حکام آئندہ ہفتے اس بریفنگ پر فیصلہ کریں گے

اسلام آباد (نیوز ڈیسک )آئی ایس آئی، آئی بی اور سی ٹی ڈی نے حملوں کے خدشات کے پیش نظر الیکشن کمیشن کو پنجاب اور خیبر پختون خوا میں انتخابات نہ کرانے کا مشورہ دے دیا۔اطلاعات کے مطابق چیف الیکشن کمشنر کی زیر صدرات انتخابات کے انعقاد اور سیکیورٹی سے متعلق ایک اہم اجلاس منعقد ہوا جس میں حساس اداروں کے حکام بھی شریک ہوئے۔اجلاس میں آئی ایس آئی کی جانب سے سیکٹر کمانڈر اسلام آباد، سیکٹر کمانڈر پنجاب اور سیکٹر کمانڈر خیبر پختونخوا، انٹیلی جنس بیورو (آئی بی) کی طرف سے جوائنٹ ڈائریکٹر پنجاب اور جوائنٹ ڈائریکٹر خیبر پختونخوا، ڈی آئی جی سی ٹی ڈی پنجاب اور ڈی آئی جی خیبر پختونخوا نے بھی شرکت کی۔ اجلاس میں سیکورٹی اداروں نے سیکورٹی کی صورتحال پر بریفنگ دی۔الیکشن کمیشن نے سیکیورٹی پر بات کرتے ہوئے دونوں صوبوں کے انتخابات کے لیے 3 لاکھ 53 ہزار اضافی نفری مانگ لی۔ذرائع کا کہنا ہے کہ حکام کو بریفنگ دیتے ہوئے بتایا گیا کہ پنجاب میں پولیس کے علاوہ 2 لاکھ 97 ہزار دیگر قانون نافذ کرنے والے اداروں کے اہلکار درکار ہوں گے جبکہ خیبر پختون خوا میں 56 ہزار مزید نفری درکار ہوگی۔اجلاس کو بتایا گیا کہ دونوں صوبوں میں تقریباً 67 ہزار پولنگ اسٹیشنز قائم کیے جائیں گے، پنجاب میں تقریباً 52 ہزار جبکہ کے پی میں 15 ہزار پولنگ اسٹیشن قائم ہوں گے۔ڈی آر اوز انتہائی حساس پولنگ اسٹیشنز کی نشاندہی کریں گے جبکہ انتہائی حساس پولنگ اسٹیشن میں سی سی ٹی وی کمیروں کے علاوہ دیگر ادروں کے سکیورٹی اہلکار درکار ہوں گے۔ذرائع کا کہنا ہے کہ سیکیورٹی اداروں نے الیکشن کمیشن کو تھریٹس کے حوالے سے آگاہ کیا اور سیکورٹی اداروں نے موجودہ سیکیورٹی تھریٹس کی بنیاد پر اس وقت الیکشن نہ کروانے کا مشورہ دے دیا۔ دوران اجلاس خفیہ اداروں نے انتخابات کرانے کی متفقہ طور پر مخالفت کردی۔ذرائع کا کہنا ہے کہآآئی ایس آئی، آئی بی اور سی ٹی ڈی حکام نے رائے دی کہ پنجاب اور خیبرپختونخوا اسمبلیوں کے انتخابات کے انعقاد کے لیے ماحول سازگار نہیں۔ اطلاعات ہیں کہ الیکشن کمیشن آئندہ ہفتے اس بریفنگ پر فیصلہ کرے گا۔دریں اثنا الیکشن کمیشن نے پنجاب میں انتخابات کے لیے آر اوز، ڈی آر اوز اور اے آر اوز کی تعیناتی کردی۔ الیکشن کمیشن نے کہا ہے کہ پنجاب میں انتخابات کے لیے 36 ڈی آر اوز، 297 آر اوز اور 594 اے آر اوز کو تعینات کردیا گیا ہے جنہیں بیورو کریسی سے لیا گیا ہے۔الیکشن کمیشن کے مطابق خواتین اور اقلیتوں کی نشستوں کے لیے بھی آر اوز کو تعینات کردیا گیا ہے۔

اسے سوشل میڈیا پر شیئر کریں۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

*

*
*