سندھ حکومت نے صوبے کی 32 سرکاری جامعات کے وائس چانسلرز اجلاس کے بعد یونیورسٹی پروفیسرز کی ریٹائرمنٹ کی عمر 60 سے بڑھا کر 65 سال کرنے کے لیے سمری صوبائی کابینہ کو بھیجنے کا فیصلہ کر لیا ہے؛ چیف سیکریٹری سندھ آصف حیدر شاہ کے مطابق جامعات کو 44 ارب 460 ملین روپے کی گرانٹ فراہم کی جا رہی ہے، جبکہ نئے کیمپسز کے قیام کے لیے جامع پالیسی بنانے اور پنشن کے مالی بوجھ کو کم کرنے کے لیے غیر تدریسی شعبوں میں غیر ضروری بھرتیوں سے گریز کرنے کی ہدایات جاری کی گئی ہیں۔