بیجنگ (شِنہوا) چینی وزارت خارجہ کے ترجمان گو جیا کن نے کہا ہے کہ چین دونوں سربراہان مملکت کے درمیان طے پانے والی اہم مفاہمت پر عملدرآمد اور دوطرفہ تعلقات کی مستحکم، مثبت اور پائیدار ترقی کو فروغ دینے کے لئے امریکہ کے ساتھ مل کر کام کرنے کو تیار ہے۔
گو نے یہ بات پیر کے روز چینی صدر شی جن پھنگ کے امریکی صدر ڈونلڈ ٹرمپ کی دعوت پر 23 سے 25 ستمبر تک امریکہ کے سرکاری دورے کے بعد معمول کی پریس بریفنگ میں کہی۔
دونوں صدور نے چین۔امریکہ تعلقات اور عالمی امن و ترقی سے متعلق اہم امور پر تفصیلی تبادلہ خیال کیا اور متعدد اہم امور پر اتفاق کیا۔
دونوں جانب سے اس بات پر اتفاق کیا گیا کہ باہمی احترام، انصاف اور باہمی مفاد پر مبنی تعمیری اور تزویراتی استحکام کے حامل تعلقات استوار کئے جائیں۔ دونوں ممالک نے ایک دوسرے کی میزبانی میں ہونے والے اہم عالمی اجلاسوں کی حمایت پر بھی اتفاق کیا، جس کے تحت چین نومبر میں 2026 اپیک اقتصادی رہنماؤں کے اجلاس اور امریکہ دسمبر میں جی 20 سربراہ اجلاس کی میزبانی کرے گا۔