لازمی حج اخراجات کی تفصیل کا اعلان کب ہوگا؟

اسلام آباد: بینکوں کے ذریعے سرکاری حج اسکیم میں درخواستیں جمع کرانے کا عمل جاری ہے۔

تفصیلات کے مطابق جوائنٹ سیکریٹری حج نے ایک بیان میں حج 2022 سے متعلق کہا ہے کہ بینکوں کے ذریعے 2 دن میں 14 ہزار 247 حج درخواستیں موصول ہو گئی ہیں، جب کہ حج درخواستیں 13 مئی بروز جمعہ تک وصول کی جائیں گی۔

انھوں نے کہا سعودی عرب نے لازمی حج اخراجات کی تفصیل نہیں دی ہے، لازمی حج اخراجات کی تفصیل ملنے کے بعد اخراجات کا اعلان ہوگا۔

واضح رہے کہ حج درخواستوں کی وصولی 9 مئی سے شروع ہوئی ہے، جو 13 مئی تک نامزد 14 بینکوں میں جمع کرائی جائیں گی، 15 مئی کو حج درخواستوں پر قرعہ اندازی ہوگی، ہر درخواست کے ساتھ 50 ہزار روپے ٹوکن جمع کرانا لازمی ہے۔

گورنمنٹ حج 2022 کے لیے سرکاری اسکیم کا حج پیکج ابھی تک جاری نہیں ہو سکا ہے، وزارت مذہبی امور نے سعودی تعلیمات نہ آنے کی وجہ سے آن لائن درخواستوں کی وصولی شروع کر دی تھی۔

اس سال سرکاری اسکیم کے تحت حج اخراجات 7 سے 10 لاکھ روپے ہو سکتے ہیں، نجی حج اسکیم کے تحت حج کوٹہ کا فیصلہ تاحال نہیں ہوا ہے، نجی حج ٹور آپریٹرز کے ذریعے حج اخراجات 14 لاکھ یا اس سے بڑھ سکتے ہیں۔

اسے سوشل میڈیا پر شیئر کریں۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

*

*
*