قانون اور آئین کا تماشہ بنانے والوں کیخلاف قانون اپنا راستہ خود بنائے گا، حسن مرتضیٰ

پارلیمانی لیڈر و جنرل سیکرٹری پیپلزپارٹی وسطی پنجاب سید حسن مرتضیٰ نے کہا ہے کہ قانون اور آئین کا تماشہ بنانے والوں کیخلاف قانون اپنا راستہ خود بنائے گا۔

اپنے جاری کردہ بیان میں حسن مرتضیٰ نے کہا کہ لاہور کی عوام آج اپنے ہاتھوں میں ’گھڑی‘ اور گلے میں ’ہار‘ پہن کر باہر مت نکلیں۔

حسن مرتضیٰ نے کہا کہ  میرا تحفہ میری مرضی کہنے والے نے قومی خزانے کو  میرا خزانہ میری مرضی سمجھ کر لُوٹا، عمران نیازی نے پوری تابعداری اور چاپلوسی سے امریکی عہدیدار کی مہمان نوازی کی۔

انہوں نے کہا کہ امریکی سازشی خط امریکی عہدیدار کے سامنے نہیں لہرایا گیا، جعلی خط کی تدفین پر پوری پی ٹی آئی کو مبارکباد قبول ہو۔

حسن مرتضیٰ نے کہا کہ جھوٹ کے پاؤں نہیں ہوتے عمران خان کا بیانیہ مکر و فریب پر مبنی ہے، عمران خان اپنی حکومت کی ناکامی کی ذمہ داری ’اتحادی‘ اور ’اسٹیبلشمنٹ‘  پر مت ڈالیں۔

پارلیمانی لیڈر کا کہنا تھا کہ جب آئین قانون شکن رات 12 بجے متحرک ہونگے تو عدالتیں بھی 12 بجے لگانا پڑتی ہیں، ایوان صدر اور گورنر ھاؤس پنجاب آئین شکنی کی وارداتوں کا گڑھ بن چکے ہیں۔

انہوں نے مزید کہا کہ قانون اور آئین کا تماشہ بنانے والوں کیخلاف قانون اپنا راستہ خود بنائے گا۔

اسے سوشل میڈیا پر شیئر کریں۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

*

*
*