کراچی : سمندری طوفان "شکتی” نے سائیکلونک اسٹورم کی شکل اختیار کرلی

کراچی : سمندری طوفان "شکتی” نے سائیکلونک اسٹورم کی شکل اختیار کرلی تاہم اگلے 24گھنٹےمیں مزید کمزور ہو کر ڈپریشن میں تبدیل ہونے کا امکان ہے۔

تفصیلات کے مطابق محکمہ موسمیات کی جانب سے کہا گیا کہ سمندری طوفان "شکتی” کی شدت میں کمی واقع ہوگئی ہے اور یہ اب "سائیکلونک اسٹورم” کی شکل اختیار کرچکا ہے، طوفان اس وقت کراچی سے تقریباً 910 کلومیٹر جنوب مغرب میں موجود ہے۔

محکمہ موسمیات نے بتایا کہ "شکتی” طوفان اگلے 24 گھنٹوں میں مزید کمزور ہو کر ڈپریشن میں تبدیل ہونے کا امکان ہے تاہم سندھ اور بلوچستان کے ساحلی علاقوں میں آج ہلکی بارش کا امکان ظاہر کیا گیا ہے۔


محکمے کا کہنا تھا کہ کہ سمندری ہوائیں 70 سے 90 کلومیٹر فی گھنٹہ کی رفتار سے چل سکتی ہیں جبکہ طوفان کے مرکز کے قریب ہوا کی رفتار 100 کلومیٹر فی گھنٹہ تک پہنچ سکتی ہے۔

ماہی گیروں کو 7 اکتوبر تک گہرے سمندر میں نہ جانے کی ہدایت جاری کی گئی ہے کیونکہ سمندر کی صورتحال آئندہ 24 گھنٹے تک انتہائی خراب رہنے کا امکان ہے۔

سائیکلون وارنگ سینٹر کراچی طوفان کی صورتحال پر مسلسل نظر رکھے ہوئے ہے۔