سندھ کے وزیر اطلاعات شرجیل میمن نے صوبے میں سیلاب کی صورتحال کے حوالے سے اہم معلومات فراہم کی ہیں۔ انہوں نے بتایا کہ اب تک ایک لاکھ 33 ہزار 887 افراد اور تین لاکھ 80 ہزار مویشیوں کو سیلاب سے بچا کر محفوظ مقامات پر منتقل کیا گیا ہے۔
شرجیل میمن نے مزید کہا کہ عوام کی جان و مال کا تحفظ سندھ حکومت کی پہلی ترجیح ہے اور حکومت اس مشکل وقت میں عوام کے ساتھ کھڑی ہے۔ انہوں نے بتایا کہ وزیر اعلیٰ سندھ کی ہدایات پر امدادی ٹیمیں متاثرہ علاقوں میں دن رات کام کر رہی ہیں۔
انہوں نے خبردار کیا کہ اس وقت سیلاب کی سب سے خطرناک صورتحال پنجند اور تریموں کے مقامات پر ہے، تاہم گڈو میں درمیانے درجے کا سیلاب ہے اور گڈو، سکھر اور کوٹری میں صورتحال قابو میں ہے۔