اینٹی کرپشن سندھ کی جانب سے انوکھی تحقیقات کی جارہی ہے جس میں کراچی انٹر بورڈ میں نتائج تبدیلی کی تحقیقات کے لیے طلبا و طالبات کو تفتیش کے لیے آدھی رات کو طلب کرلیا گیا۔
کراچی انٹر بورڈ میں نتائج تبدیلی کی تحقیقات کے لیے طلبا و طالبات کو تفتیش کے نوٹس جاری کیے گئے۔
نوٹس طلبا کے تعلیمی اداروں میں ارسال کیے گئے جس میں طلبا کو آج رات ساڑھے 12 بجے اینٹی کرپشن ویسٹ کے دفتر طلب کیا گیا۔
والدین کا کہنا ہے اپنی بچیوں کو آدھی رات کو کیسے اینٹی کرپشن کے دفتر بھیج سکتے ہیں۔
واضح رہے کہ بارہویں جماعت سال 2022کے نتائج میں تبدیلی کی تحقیقات ڈیڑھ سال سے جاری ہیں۔