امریکن محبت کرنے والی قوم ہے۔ ہم پُرامن لوگ ہیں، وائٹ ہاؤس
امریکی صدر ڈونلڈ ٹرمپ نے 12 ممالک سے لوگوں کے امریکا آنے پر پابندی کے بل پر دستخط کر دیئے۔
میڈیا رپورٹس کے مطابق ایران، افغانستان، لیبیا، سوڈان، یمن، صومالیہ، میانمار، چاڈ، کانگو، گنی، پیٹیریا اور ہیٹی کے شہریوں کے امریکا آنے پر پابندی لگ گئی۔
وائٹ ہاؤس میں تقریب سے خطاب میں امریکی صدر نے کہا کہ امریکن محبت کرنے والی قوم ہے۔ ہم پُرامن لوگ ہیں۔
ٹرمپ کا کہنا تھا کہ ہم اپنے ملک کو بچا رہے ہیں، ہم نے کم وقت میں بہت کامیابیاں حاصل کیں۔
وائٹ ہاؤس کے جاری کردہ بیان میں بتایا گیا ہے کہ اس اقدام کا مقصد امریکی عوام کو خطرناک غیر ملکی عناصر سے محفوظ رکھنا ہے۔ امریکی تاریخ کا سنہری دور شروع ہوچکا ہے۔
صدر ٹرمپ کا کہنا تھا کہ گزشتہ انتظامیہ نے ہر شعبہ میں بری کارکردگی دکھائی، آج مہنگائی میں کمی اور ملازمتوں میں اضافہ ہوا ہے۔