کراچی ( کرائم رپورٹر ) نارتھ کراچی کے علاقے خواجہ اجمیر نگری کی حدود میں دو کم عمر سگی بہنوں کے مبینہ ریپ اور تشدد کا واقعہ پیش آیا لڑکیوں نے اپنے سوتیلے والد کے خلاف جنسی ہراسانی کی طکایت کی ہے ۔پولیس سرجن ڈاکٹر سمیہ سید نے بتایا کہ ایک 15 سالہ لڑکی اور ان کی 8 سالہ بہن کو منگل کی شام 5 بجکر 30 منٹ پر سول ہسپتال لایا گیا۔پولیس سرجن نے مزید کہا کہ ’نتائج جنسی تشدد کی نشاندہی کرتے ہیں، مزید کہا کہ سیرولوجی اور ڈی این اے پروفائلنگ اور کراس میچنگ کے لیے نمونے حاصل کر لیے گئے ہیں۔ان کا کہنا تھا کہ لڑکیوں پر ’شدید جسمانی تشدد‘ کے آثار موجود ہیں، مزید کہا کہ چھوٹی بہن کی حالت تشویشناک ہے اور انہیں مزید علاج کے لیے ہسپتال میں داخل کر لیا گیا ہے۔
پولیس سرجن ڈاکٹر سمیہ سید نے بتایا کہ ابتدائی طور پر رشتہ دار لڑکیوں کو 25 مئی کو ہراسانی اور تشدد کی شکایت کے ساتھ نیو کراچی کے سرکاری ہسپتال لے گئے تھے، بعد ازاں لڑکیوں کو ان کے گھر لایا گیا اور آج پولیس کے خط کے ساتھ انہیں سول ہسپتال کراچی میں طبی معائنے کے لیے لایا گیا۔سینٹئر سپرنٹنڈنٹ آف پولیس (ایس ایس پی) وسطی ذیشان شفیق صدیقی نے بتایا کہ 4 سال قبل اپنے شوہر کی موت کے بعد لڑکیوں کی ماں نے ایک اور شخص کے ساتھ شادی کر لی تھی، اور وہ اپنے 4 بچوں کے ساتھ اس کے ساتھ رہ رہی تھی۔انہوں نے کہا کہ لڑکیوں کی ماں نے تقریبا تین چار دن پہلے خواجہ اجمیر نگری پولیس کو بتایا تھا کہ ان کی بیٹیوں کے ساتھ ’ایک شخص نے ’بدسلوکی‘ کی تھی، تاہم ایس ایس پی ذیشان شفیق صدیقی نے آج بتایا کہ لڑکیوں کے انکل کو ان کے ’سوتیلے والد‘ کے خلاف ایک مختلف شکایت کے ساتھ سول ہسپتال لے گئے تھے، اور بتایا تھا کہ لڑکیوں کو ان کے (سوتیلے والد) نے ’مارا پیٹا‘ ہے۔انہوں نے کہا کہ پولیس معاملے کی تحقیقات کر رہی ہے۔