سینئر سیاستدان فیصل واوڈا نے کہا کہ ہماری افواج بہت تگڑی ہے، ہماری ایئرفورس بہترین ہے، آج کے فیصلے پر بہت زیادہ خوشی ہوئی، بھارت نے شور کیا تھا،ہم نےعمل کرکے دکھایا ہے۔
آج نیوز کے پروگرام ”روبرو“ میں گفتگو کرتے ہوئے فیصل واوڈا نےکہا پانی بھارت کا باپ بھی بند نہیں کرسکتا ہے، یہ کوئی ٹونٹی ہے کہ کوئی بند کردے، خدا نہ خواستہ جنگ ہوئی تویہ صرف پاکستان اور بھارت کی نہیں ہوگی، پورے خطے میں پھیلے گی۔
سینیٹر فیصل واوڈا نے پروگرام میں مزید گفتگو کرتے ہوئے کہا کہ پاکستان دنیا بھرمیں ہونے والی دہشت گردی کی مذمت کرتا ہے، ہماری افواج بہت تگڑی ہے، ہماری ایئرفورس بہترین ہے۔
انہوں نے کہا کہ بھارت کو یاد ہوگا کہ ہم نے ابھی نندن کو پکڑا چائے پلائی اور واپس بھیج دیا، آج کےفیصلے پربہت زیادہ خوشی ہوئی ہے۔
سینیٹر فیصل واوڈا نے کہا کہ بھارت نےشورکیا تھا، ہم نےعمل کرکے دکھایا ہے، پانی بھارت کا باپ بھی بند نہیں کرسکتا، سندھ طاس معاہدے میں ورلڈ بینک بھی شامل ہے۔
ان کا کہنا تھا کہ سپرپاورکے مقابلے کے ملک ہمارے ساتھ ہیں، ہم دہشتگردی والے نہیں، دہشت گردی کے خلاف لڑنے والے ہیں، پاکستان دنیا کی مجبوری ہے، دنیا کومداخلت کرنا پڑے گی۔
پروگرام ”روبرو“ میں گفتگو کرتے ہوئے ان کا کہنا تھا کہ ملکی سلامتی کیلئے ہماری قوم متحد ہے، ہماری پوری قوم پاک افواج کےساتھ کھڑی ہے،ملک دشمنی کسی صورت برداشت نہیں کی جاسکتی ہے۔
انہوں پروگرام ”روبرو“ میں اینکر شوکت پراچہ کے ایک سوال کے جواب میں کہا کہ پی ٹی آئی میں سب ایک دوسروں کو گالیاں دے رہے ہیں، ایم کیو ایم کی طرح پی ٹی آئی پاکستان بن چکی ہے، بانی سے ہدایت پرپی ٹی آئی والےعمل نہیں کرتے۔