آج کا دن پاکستان کی عدالتی تاریخ میں ایک اور سیاہ دن کے طور پر یاد رکھا جائے گا جب چیئرمین پاکستان تحریک انصاف جناب عمران خان کو القادر یونیورسٹی ٹرسٹ کیس میں 14 سال قید کی سزا اور ان کی اہلیہ بشریٰ بی بی کو 7 سال قید کا حکم سنایا گیا۔ یہ فیصلہ انصاف کی روح کے منافی اور عوامی اعتماد پر ایک کاری ضرب ہے۔
القادر یونیورسٹی ٹرسٹ ایک غیر منافع بخش ادارہ تھا، جسے نوجوان نسل کو سیرت النبی ﷺ کی تعلیم دینے کے لیے قائم کیا گیا۔ اس منصوبے کے ذریعے اسلامی اقدار، انصاف اور اخلاقیات کو فروغ دینا تھا۔ تاہم، اس نیک مقصد کو متنازع بنا کر سیاسی انتقام کی بنیاد پر سزا سنائی گئی۔
کیس کی نوعیت اور شفافیت پر سوالات
کیس میں نہ صرف شواہد کا فقدان تھا بلکہ گواہوں کے بیانات بھی واضح طور پر حقائق کے برعکس توڑ مروڑ کر پیش کیے گئے۔ عدالت میں پیش کیے گئے تمام گواہوں نے تسلیم کیا کہ:
- القادر یونیورسٹی کے لیے فنڈز مکمل طور پر قانونی تھے اور سرکاری اکاؤنٹ میں جمع کیے گئے تھے۔
- ان فنڈز سے عمران خان یا بشریٰ بی بی نے کوئی ذاتی فائدہ نہیں اٹھایا۔
- یونیورسٹی کی تمام سرگرمیاں قانون کے دائرے میں رہ کر انجام دی گئیں اور اس سے قومی خزانے کو کوئی نقصان نہیں پہنچا۔
سیاسی انتقام اور انصاف کی پامالی یہ فیصلہ واضح طور پر سیاسی بنیادوں پر کیا گیا، جس کا مقصد عمران خان اور ان کی جماعت کو دبانا ہے۔ عدالت نے انصاف کے بنیادی اصولوں کو نظرانداز کرتے ہوئے یکطرفہ فیصلہ سنایا، جس سے عدالتی شفافیت پر سنجیدہ سوالات اٹھتے ہیں۔
عمران ٹائیگرز کراچی اس فیصلے کی سخت مذمت کرتے ہیں اور اسے سیاسی انتقام کی بدترین مثال قرار دیتے ہیں۔ ہم اعلان کرتے ہیں کہ یہ سزا عوام کے اعتماد کو متزلزل کرنے کی کوشش ہے، لیکن عمران خان کے سپورٹرز اور کارکنان اپنے قائد کے ساتھ کھڑے ہیں۔
القادر یونیورسٹی کا مشن نوجوان نسل کو اسلامی تعلیمات سے روشناس کرانا تھا، جسے جرم بنانا ایک ناپسندیدہ سازش ہے۔
ہم اعلیٰ عدالتوں سے اپیل کرتے ہیں کہ وہ اس فیصلے کو فوری کالعدم قرار دیں اور انصاف کے تقاضے پورے کریں۔
عمران خان کے حامیوں کا عزم بلند ہے، اور یہ تحریک اسی جوش و ولولے سے آگے بڑھتی رہے گی۔ عمران خان کو جیل میں ڈالنے سے ان کی آزادی کو محدود نہیں کیا جا سکتا، کیونکہ وہ عوام کے دلوں میں بستے ہیں۔ ان شاء اللہ حق کی فتح ہوگی اور عمران خان جلد باعزت بری ہوں گے۔
عمران ٹائیگرز کراچی کا پیغام واضح ہے کہ ہم ہر سازش کے خلاف ڈٹ کر کھڑے رہیں گے اور اپنے قائد کے مشن کو گھر گھر پہنچائیں گے۔ یہ قافلہ رکنے والا نہیں۔
جاری کردہ:
عمران ٹائیگرز کراچی