خام تیل کی قیمتیں 14 سال کی بلند ترین سطح پر پہنچ گئیں

امریکا اور مغربی ممالک کی جانب سے روسی خام تیل کی فراہمی پر پابندی کے اعلان اور ایران جوہری مذاکرات میں تاخیر کے باعث خام تیل کی قیمتیں 2008ء کے بعد یعنی 14 سال کی بلند ترین سطح پر پہنچ گئی ہیں۔

آج ٹریڈنگ کے دوران برینٹ خام تیل کی قیمت 129 ڈالر فی بیرل کی سطح عبور کر گئی جبکہ ڈبلیو ٹی آئی خام تیل کی قیمت 125 ڈالر فی بیرل سے اوپر پہنچ چکی ہے۔

گزشتہ روز ایشیا میں برینٹ خام تیل کی قیمت 139 ڈالر فی بیرل سے اوپر چلی گئی تھی جبکہ اس سے پیشتر برینٹ کروڈ آئل کی قیمت کو 130 ڈالر پر مستحکم کیا گیا تھا۔

حالیہ دنوں میں روس کے یوکرین پر حملے کے بعد امریکا اور مغربی ممالک کی جانب سے روسی خام تیل کی فراہمی پر پابندی کے اعلان سے خام تیل کی فراہمی میں رکاوٹ کے خدشات پیدا ہوگئے ہیں۔

دوسری جانب عالمی طاقتوں کے ایران سے جاری جوہری مذاکرات میں تاخیر بھی تیل کی قیمتوں پر اثر انداز ہوئی ہے۔

دنیا بھر کے عوام پہلے ہی خام تیل اور قدرتی گیس کی قیمتوں میں اضافے اور اس کے دیگر اشیاء کی قیمتوں پر پڑنے والے اثرات سے پریشان ہیں جبکہ خام تیل کی قیمتوں میں ہونے والا حالیہ اضافہ عوام کی مشکلات میں مزید اضافے کا سبب بنے گا۔

اسے سوشل میڈیا پر شیئر کریں۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

*

*
*