Qaumi Akhbar
Loading site
قومی اخبار
منگل 24 نومبر 2020
LZ_SITE_TITLE
 
New World of Online News

6 فٹ 7 انچ لمبے بالوں کی مالک بھارتی لڑکی

قومی نیوز هفته 07 نومبر 2020
6 فٹ 7 انچ لمبے بالوں کی مالک بھارتی لڑکی

دنیا میں سب سے لمبے بال رکھنے والی 18 سالہ لڑکی نیلانشی پٹیل نے تیسری بار اپنا ہی عالمی ریکارڈ توڑ دیا۔بھارتی ریاست گجرات کے علاقے موداسہ سے تعلق رکھنے والی نیلانشی نامی لڑکی نے اس سے قبل 2018 میں گینزبک آف ورلڈ ریکارڈ میں اپنا نام درج کرایا تھا، جس کے بعد انہوں نے اگلے سال پھر اپنا ہی ریکارڈ برابر کیا۔

گزشتہ برس نیلاشی کی عمر 17 سال جبکہ اُن کے بالوں کی لمبائی 6 فٹ 2 انچ تھی، اس سے قبل دسمبر 2018 میں جب اُن کی عمر 16 سال تھی تو اُن کے بال پانچ فٹ 6 انچ لمبے تھے۔

دو بہنوں کو جنس تبدیل کرکے لڑکا بنادیا گیا

اب تیسری بار سال 2020 میں جب نیلانشی 18 برس کی ہوئیں تو انہوں نے سب سے لمبے بال رکھنے والی نوجوان لڑکی کا اعزاز اپنے نام کرتے ہوئے ایک بار پھر گنیز بک آف ورلڈ ریکارڈ میں نام درج کرایا۔

نیلانشی نے بتایاکہ 6 سال کی عمر میں اُن کے بال غلط کٹ گئے تھے جس کے بعد سے انہوں نے بال نہ کٹوانے کا فیصلہ کیا اور وہ گزشتہ بارہ سال سے اپنے بال نہیں کٹوا رہیں۔انہوں نے کہا کہ لمبے ہونے کی وجہ سے میرے بال زمین کو چھوتے ہیں جس کے باعث انہیں اونچی ہیل پہننا پڑتی ہے، عالمی ریکارڈ قائم کرنے اور پھر اپنا ریکارڈ توڑنے میں میرے گھر والوں نے بھی مدد کی۔

(74 بار دیکھا گیا)

تبصرے