Qaumi Akhbar
Loading site
قومی اخبار
جمعرات 24  ستمبر 2020
LZ_SITE_TITLE
 
New World of Online News

کورونا پر قابو،دنیا عمران خان کی مداح

ویب ڈیسک جمعه 11  ستمبر 2020
کورونا پر قابو،دنیا عمران خان کی مداح

اسلام آباد (ویب ڈیسک) کورونا وبا پر قابو پانے کی بروقت اور زبردست حکمت عملی، کامیاب سیاستدانوں میں عمران خان کا پہلا نمبر، برطانوی جریدے ایشین ورلڈ نے فہرست جاری کردی۔تفصیل کے مطابق کورونا وبا پر قابو پانے کی بروقت اور زبردست حکمت عملی کس کی رہی؟ برطانوی جریدے ایشین ورلڈ نے ٹاپ 10 سیاستدانوں کی فہرست جاری کر دی ہے۔اس فہرست میں وزیراعظم عمران خان نے بڑے بڑے عالمی رہنماوں کو پیچھے چھوڑ دیا ہے۔ ان کا کورونا سے نمٹنے والے کامیاب سیاستدانوں کی فہرست میں پہلا نمبر ہے جبکہ معاون خصوصی زلفی بخاری بھی ٹاپ 10 میں شامل ہیں۔رپورٹ میں کہا گیا ہے کہ ان ٹاپ 10 سیاستدانوں نے وائرس کے اثرات دور کرنے کیلئے سخت محنت کی۔ عمران خان نے کورونا وباءکے دوران امدادی فنڈ شروع کیا۔ بے روزگار افراد تک حکومت کی جانب سے بروقت مدد پہنچائی گئی۔اس فہرست میں کانگرس ویمن برائے نیویارک الیگزینڈریا کا دوسرا، نیوزی لینڈ کی وزیراعظم جسنڈا آرڈن کا تیسرا، کینیڈا کے وزیراعظم جسٹن ٹروڈو کا چھٹا اور معاون خصوصی برائے اوورسیز زلفی بخاری کا ساتواں نمبر ہے۔برطانوی جریدہ کا کہنا ہے کہ زلفی بخاری نے بیرون ملک مقیم پاکستانیوں کی مدد کے لئے مشن کی قیادت کی اور بیرون ملک پھنسے ہم وطنوں کی واپسی پر بہترین کام کیا۔ اس فہرست میں فن لینڈ کی وزیراعظم ثنا میرن چوتھے نمبر پر ہیں۔

(64 بار دیکھا گیا)

تبصرے