کراچی کے علاقے ناگن چورنگی پل کے قریب تیز رفتار کار فٹ پاتھ پر سوئے افراد پر چڑھ گئی۔ دو سگے بھائی جان سے گئے اور تین افراد زخمی ہوگئے۔
ڈرائیور کار چھوڑ کر فرار ہوگیا۔
مرنے والے سگے بھائیوں کی شناخت 18 سالہ اشوک اور 22 بالی کے نام ہوئی۔
واقعے میں تین افراد زخمی بھی ہوئے جنہیں جناح اسپتال منتقل کیا گیا۔
مرنے والے اور زخمیوں کا تعلق ایک ہی خاندان سے تھا عینی شاہد کے مطابق دو تیز رفتار کاریں ریس لگا رہی تھی ایک کار بے قابو ہو کر فٹ پاتھ سے جاٹکرائی۔
ہلاک اور زخمی افراد کا تعلق ہندو کمیونٹی سے تھا کراچی میں چند روز قبل لاڑکانہ سے محنت مزدوری کے لئے آئے تھے۔
پولیس کا کہنا ہے کار میں دو افراد سوار تھے جو نشے کی حالت میں کار چلا رہے تھے واقعے کے بعد دونوں افراد فرار ہوگئے۔
پولیس نے کار تحویل میں لے کر واقعے میں ملوث ملزمان کی تلاش شروع کردی ہے۔