کراچی (اسٹاف رپورٹر ) ٹریفک حادثات و واقعات میں بچی سمیت 4افراد جاں بحق ہو گئے، مختلف علاقوں سے نومولود سمیت تین افراد کی لاشیں ملیں، تفصیلات کے مطابق نیو گولیمار انڈربائی پاس کے قریب نامعلوم گاڑی کی ٹکر سے 55سالہ غلام ربانی جاں بحق ہوگیا ،شارع فیصل کار ساز مین اسٹاپ کے قریب رکشا الٹ گیا جس کے باعث 3سالہ زوھا فاطمہ د خترعمران اشرف جانبحق ہوگئی ، واقعے کی اطلاع پر پولیس اور ریسکیو اہلکاروں نے موقع پر پہنچ متوفیہ کو اسپتال منتقل کیا،شا رع فیصل بلوچ کالونی پل کے قریب گاڑی کاٹائر پھٹنے سے گاڑی الٹ گئی جس کے باعث گاڑی میں سوار 2 افراد زخمی ہوگئے،حادثہ کی اطلاع پر پولیس اور ریسکیو اہلکاروں نے موقع پرپہنچ کرزخمیوں کو فوری طور پر اسپتال منتقل کیا گیا ، ملیر ماڈل کالونی کے علاقے قاسم آباد کے قریب زیر تعمیر عمارت میں کام کرتے ہوئے کرنٹ لگنے سے مزدور 40 سالہ کریم بخش جاں بحق ہوگیا متوفی چھت کا سریا باندھ رہا تھا کہ تار سے ٹکرا گیا ، آبائی سندھ خیر پور سے تھا، ابوالحسن اصفہانی روڈ شیرٹن اپارٹمنٹ کے قریب کچرے کے ڈبے سے نومولود کی لاش ملی، جسے پہلے اسپتال بعد ازاں ایدھی سرد خانے منتقل کردیا گیا ، عائشہ منزل عباس اسکوائرکے قریب فٹ پاتھ سے ایک شخص کی لاش ملی ، ایس ایچ او مظفر علی نے بتایا کےابتدائی طور پر متوفی کی موت طبعی طور سے معلوم ہوئی ہے پولیس نے ضابطے کی کارروائی کے بعد لاش کو امانتا سرد خانے منتقل کردیا ہے ، زمان ٹاون کے علاقے دو نمبر اسکول کے قریب فٹ پاتھ سے ایک شخص کی لاش ملی،عمر 40 سال کے قریب بتائی جاتی ہے