کراچی (اسپورٹس رپورٹر)کراچی پریمئر لیگ کے دوسرے سیزن کی تیاریوں کا آغاز کر دیا گیا ہے،دوسرا سیزن پہلے سیزن کے مقابلے میں کہیں زیادہ شاندار اور یادگار بنانے کے لیے کراچی پریمئر لیگ کے چیئر مین معیز بن زاہدنے اپنی تجربہ کار اور پروفیشنل ٹیم کو متحرک کر دیا ہے،اس سلسلے میں اہم پیش رفت کے طور پر کورنگی ایسوسی ایشن آف ٹریڈ اینڈ انڈسٹری (کاٹی) کو بھی کراچی پریمیئر لیگ کا حصہ بنا دیا گیا ہے،اس ضمن میں آج بروز ہفتہ پانچ اگست کو کراچی پریمئر لیگ اور کورنگی ایسوسی ایشن آف ٹریڈ اینڈ انڈسٹری (کاٹی) کے درمیان مفاہمتی یادداشت پر دستخط کی پروقار تقریب کا انعقاد کیا جا رہا ہے۔کورنگی ایسوسی ایشن آف ٹریڈ اینڈ انڈسٹری (کاٹی) کے دفتر میں آج سہ پہر تین بجے شیڈول اس تقریب میں کراچی پریمئر لیگ کے چیئر مین اور کورنگی ایسوسی ایشن آف ٹریڈ اینڈ انڈسٹری (کاٹی) کے صدر فراز الرحمان قائمقام پیٹرن کراچی پریمئر لیگ کی حیثیت سے ایم او یو پر دستخط کریں گے ۔
گیسٹ آف آنر اے ڈی سی ندا سمن ہونگی- پاکستان بزنس گروپ آرگنائزیشن کے ناصر شیخ اور علی عرش،
کاٹی کے فرحان الرحمن ، زبیر طفیل، تارا عذرا داؤد سی ای او لیڈیز فنڈ رضوانہ شاہد خواتین ونگ کی چیئرپرسن یو بی جی آل سندھ رافعہ ماموجی بانی اسپارکس بزنس کلب سامیہ عثمان لاری بانی سیبو گروپ اور تنظیم کی مشہور شخصیت شیف یم ڈی کے پی ایل حرا سومرو،کے پی ایل کے سیکریٹری فواد منیر،آپریشن منیجر فیضان باقر نقوی،ارکان منیجمنٹ کمیٹی حارث ایاز،خان شیر،محمد ریحان،شیخ احسن،ہارون مرزا،عثمان علی خان،راحیل نصیر اور عزیر خان بھی موجود ہونگے -کرکٹ شائقین کو بھی کراچی پریمئر لیگ کے دوسرے سیزن کا بے چینی سے انتظار ہے۔دوسرا سیزن رواں سال نومبر میں کراچی میں منعقد کیا جائے گا
