افغانستان میں طالبان حکام نے ٹیلی ویژن کے نشریاتی اداروں سے کہا ہے کہ وہ اس بات کو یقینی بنائیں کہ مقامی اسٹیشنوں پر آن ایئر آنے والی خواتین اپنے چہروں کو ڈھانپیں۔
اخبار میں شائع ہونے والی رائٹرز کی رپورٹ کے مطابق یہ اقدام اس کے چند روز بعد سامنے آیا ہے جب حکام نے خواتین کو عوامی مقامات پر اپنے چہرے کو ڈھانپنے کا حکم دیا تھا۔
طالبان کی ماضی کی سخت گیر حکمرانی کی پالیسی کی جانب واپسی اور پابندیوں میں اضافے سے اندرون و بیرون ملک غصہ پایا جا رہا ہے۔