طالبان حکومت کا سرکاری یونیورسٹیوں کو دوبارہ کھولنے کا فیصلہ کیا ہے جو گزشتہ اگست میں افغانستان پر قبضے کے بعد سے بند کر دی گئی تھیں، تاہم یہ واضح نہیں ہے کہ آیا خواتین کو وہاں جانے کی اجازت دی جائے گی۔
طالبان کے قائم مقام اعلیٰ تعلیم کے وزیر شیخ عبدالباقی حقانی نے اتوار کو اعلان کیا کہ گرم صوبوں میں یونیورسٹیاں 2 فروری کو دوبارہ کھلیں گی اور سرد علاقوں میں اسکول 26 فروری کو دوبارہ کھلیں گے۔
میڈیا رپورٹ کے مطابق افغانستان میں نجی یونیورسٹیاں پہلے ہی دوبارہ کھل چکی ہیں، لیکن بہت سی طالبات کلاس میں واپس نہیں جا سکیں۔
نئی حکومت نے ملک کے بیشتر حصوں میں مرد طلباء کے لیے مقامی ہائی اسکول دوبارہ کھول دیے ہیں، جبکہ کچھ علاقوں میں لڑکیوں کو سیکنڈری اسکولوں میں جانے کی اجازت بھی دی ہے۔
ستمبر کے شروع میں طالبان نے خواتین طالب علموں کو 150 کے قریب نجی یونیورسٹیوں میں سختی سے صنفی طور پر الگ کلاس روم کے نظام کے تحت کلاسز دوبارہ شروع کرنے کی اجازت دی تھی۔
افغان سرکاری اور نجی یونیورسٹیاں طالبان کے قبضے سے پہلے مخلوط تعلیمی تھیں، جن میں مرد اور خواتین ساتھ ساتھ پڑھتے تھے، اور خواتین کو ڈریس کوڈ کی پابندی نہیں کرنی پڑتی تھی۔ تاہم، ابتدائی اور ہائی اسکولوں میں، لڑکیوں اور لڑکوں کو الگ الگ پڑھایا جاتا تھا ۔
حقانی نے ستمبر میں کابل میں ایک نیوز کانفرنس میں کہا کہ متحدہ تعلیم اسلام کے اصولوں اور قومی اقدار سے متصادم ہے اور یہ افغانوں کی روایات کے بھی خلاف ہے۔
اگرچہ طالبان کی صرف مردوں کے لیے نگراں حکومت نے ستمبر کے اوائل میں سیکنڈری اسکول کھولے تھے، لیکن افغانستان بھر میں زیادہ تر لڑکیاں اب بھی اپنی تعلیم جاری رکھنے کے لیے سرکاری اجازت کی منتظر ہیں۔
طالبان نے وعدہ کیا ہے کہ جب ملک میں نیا تعلیمی سال شروع ہو گا تو مارچ میں تمام لڑکیوں کو کلاس روم میں واپس جانے کی اجازت دی جائے گی۔
حکمراں اسلامی گروپ کے رہنماؤں نے بار بار اس جھوٹے پروپیگنڈے کو مسترد کیا ہے کہ وہ خواتین کی تعلیم کی مخالفت کرتے ہیں، ان کا کہنا ہے کہ مالی مجبوریوں اور تعلیمی اداروں میں “اسلامی ماحول” کی کمی انہیں خواتین کو دوبارہ تعلیم حاصل کرنے کی اجازت دینے سے روک رہی ہے۔
خیال رہے کہ ابھی تک کسی ملک نے طالبان کو افغانستان کا جائز حکمران تسلیم نہیں کیا۔
عالمی برادری اس بات پر گہری نظر رکھے ہوئے ہے کہ آیا اسلام پسند گروپ 1990 کی دہائی کے اواخر میں اپنی پہلی بار اقتدار میں آنے سے مختلف طریقے سے ملک پر حکمرانی کر سکتا ہے، جب لڑکیوں کے سکول جانے پر پابندی تھی اور خواتین کے گھر سے باہر جانے پر پابندی تھی جب تک کہ کوئی قریبی مرد رشتہ دار ان کے ساتھ نہ ہو۔
یاد رہے کہ مغربی حکومتوں نے طالبان کے ساتھ مذاکرات میں لڑکیوں کی تعلیم پر زور دیا ہے تاکہ غیر ملکی امداد میں اضافہ کیا جائے اور بیرون ملک موجود افغانستان کے سرکاری اثاثوں کو غیر منجمد کیا جائے۔
طالبان نے افغانستان پر قبضہ کر لیا جب اگست میں امریکا کا انخلاء ہوا، 2001 کے بعد پہلی بار طالبان نے ملک کا مکمل کنٹرول دوبارہ حاصل کر لیا، جب 11 ستمبر کے دہشت گردانہ حملوں کے جواب میں امریکی فوجیں آئیں اور ان کی حکومت کا تختہ الٹ دیا تھا۔