سلمان رشدی پر حملہ کرنیوالے کیلئے انعام کا اعلان

ایران میں سلمان رشدی پر حملہ کرنے والے نوجوان ہادی مطر کو ہزار مربع میٹر زرعی زمین انعام دینے کا اعلان کیا گیا ہے۔

ایران میں امام خمینی کے فتویٰ پر عمل درآمد کروانے والی فاؤنڈیشن نے سلمان رشدی پر حملہ کرکے اس کی ایک آنکھ اور ایک بازو کو ناکارہ کرنے والے 24 سالہ نوجوان کو یہ انعام دینے کا اعلان کیا ہے۔

ایرانی فاؤنڈیشن کے سیکرٹری کا کہنا ہے کہ نوجوان ہادی مطر کے حراست میں ہونے کی وجہ سے ان کے اہل خانہ میں کوئی بھی اس انعام کو وصول کرسکتا ہے۔

واضح رہے کہ گزشتہ برس اگست میں نیوجرسی سے تعلق رکھنے والے نوجوان نے ایک تقریب میں سلمان رشدی پر چاقو سے حملہ کیا تھا جس میں اس کی ایک آنکھ ضائع اور ایک بازو ناکارہ ہوگیا تھا۔

امریکی نژاد نوجوان کو موقع سے ہی حراست میں لے لیا گیا تھا اور اس کا مقدمہ عدالت میں زیر سماعت ہے۔

اسے سوشل میڈیا پر شیئر کریں۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

*

*
*