دوطرفہ تعلقات، عالمی امن اور دونوں ممالک کے درمیان تعاون پر تفصیلی گفتگو ہوگی
بیجنگ: چینی صدر شی جن پنگ امریکی صدر ڈونلڈ ٹرمپ کی خصوصی دعوت پر 23 سے 25 ستمبر تک امریکہ کا سرکاری دورہ کریں گے۔ اس بات کا باضابطہ اعلان چینی وزارتِ خارجہ کے ترجمان نے پیر کے روز کیا۔
چینی وزارتِ خارجہ کے ترجمان گو جیاکون نے پریس بریفنگ کے دوران بتایا کہ اس دورے کے دوران دونوں رہنما چین اور امریکہ کے تعلقات، عالمی امن اور ترقی سے جڑے اہم مسائل پر تفصیلی تبادلہ خیال کریں گے۔
ترجمان کا کہنا تھا کہ دوطرفہ تعلقات کو صحیح سمت دینے کے لیے سربراہانِ مملکت کا کردار سب سے اہم ہوتا ہے۔ چھ ماہ کے مختصر عرصے میں دونوں رہنماؤں کا ایک دوسرے کے ملک کا دورہ کرنا ایک تاریخی پیش رفت ہے۔
انہوں نے مزید کہا کہ چین امریکہ کے ساتھ مل کر تعمیمی تعلقات کو مضبوط بنانے، باہمی بات چیت بڑھانے اور اختلافات کو بہتر طریقے سے حل کرنے کے لیے تیار ہے، تاکہ دونوں ممالک کے عوام اور دنیا بھر میں امن و خوشحالی کو فروغ دیا جا سکے۔