بھارتی ہسپتال کے حکام اور میڈیا رپورٹس کے مطابق، بالی ووڈ اور مراٹھی فلموں کے سینئر اداکار نانا پاٹیکر جمعرات کو گوا میں واقع اپنی رہائش گاہ پر دل کا دورہ (ہارٹ اٹیک) پڑنے سے 75 سال کی عمر میں انتقال کر گئے۔
نانا پاٹیکر جمعرات کی صبح سویرے گوا کے علاقے دونا پاؤلا میں واقع اپنی رہائش گاہ پر بے ہوش پائے گئے، جس کے بعد انہیں منی پال ہسپتال منتقل کیا گیا۔ ڈاکٹروں نے تقریباً 45 منٹ تک انہیں ہوش میں لانے کی کوشش کی، لیکن وہ جانبر نہ ہو سکے۔ انہیں صبح تقریباً 5:20 بجے مردہ قرار دے دیا گیا۔
ڈاکٹروں کی جانب سے ہارٹ اٹیک کی تصدیق
منی پال ہسپتال کے شعبہ آنکولوجی کے سربراہ ڈاکٹر شیکھر سالکر نے تصدیق کی کہ نانا پاٹیکر کو دل کا دورہ پڑا تھا۔ تاہم، دل کا دورہ پڑنے کی کی مخصوص وجہ فوری طور پر معلوم نہیں ہو سکی۔
اس سلسلے میں ایک میڈیکو لیگل کیس درج کر لیا گیا ہے اور موت کی اصل وجہ معلوم کرنے کے لیے پوسٹ مارٹم کیا جا رہا ہے۔
رپورٹس کے مطابق، نانا پاٹیکر نے جمعرات کی صبح سویرے طبیعت خراب ہونے کی شکایت کی تھی۔ اس کے بعد ان کے ایک دوست ان کی رہائش گاہ پہنچے، جس کے بعد طبی امداد کا انتظام کیا گیا اور انہیں ہوش میں لانے کی کوششیں کی گئیں۔