اسپتال فنڈز سے نجی سرمایہ کاری کا اعتراف

شوکت خانم اسپتال کے فنڈز نجی ہاؤسنگ پراجیکٹ میں لگائے، رقم کی واپسی کے بعد معاملہ ختم ہوگیا، عمران خان.

معاملہ ختم نہیں شروع ہوا ، وکیل خواجہ آصف،ادھر ادھر کے سوالا ت کے بجائے سچ پر آئیں تو معاملہ ختم ہوسکتا ہے، چیئرمین پی ٹی آئی

جب 3 ملین کی سرمایہ کاری کی گئی اس وقت ڈالر 60 روپےکا تھا جب واپس آئے تو 120 روپے تھا، وکیل خواجہ آصف کا اعتراض

اسلام آباد:(مانیٹرنگ ڈیسک )خواجہ آصف کے خلاف ہتک عزت دعویٰ کیس میں عمران خان نے اعتراف کیا ہے کہ بورڈ ممبر امتیاز حیدری کے ذاتی پراجیکٹ میں شوکت خانم کے 3 ملین ڈالرز کی سرمایہ کاری ہوئی جس کی بورڈ سے منظوری نہیں تھی۔ڈسٹرکٹ اینڈ سیشن کورٹ اسلام آباد میں سابق وزیر اعظم عمران خان کی جانب سے خواجہ آصف کے خلاف دس ارب روپے کے ہرجانہ کیس کی سماعت ہوئی۔ عمران خان ویڈیو لنک کے ذریعے لاہور زمان پارک سے عدالت میں پیش ہوئے۔ کیس کی سماعت ایڈیشنل سیشن جج امید علی بلوچ نے کی۔خواجہ آصف کے وکیل بیرسٹر حیدر رسول نے عمران خان پر سوا گھنٹہ جرح کی۔ بیرسٹر حیدر نے عمران خان سے شوکت خانم کی ہاو¿سنگ پراجیکٹ میں سرمایہ کاری سے متعلق سوالات کیے۔عمران خان نے بتایا کہ تین ملین ڈالرز سرمایہ کاری کے حوالے سے شوکت خانم کے بورڈ کی جانب سے مجھے اس حوالے سے بتایا گیا تھا اس وقت یاد نہیں کہ ہاو¿سنگ پراجیکٹ کا نام کیا تھا۔وکیل نے سوال کیا کہ کیا آپ کو بورڈ کی طرف سے اس حوالے سے تحریری طور پر آگاہ کیا گیا تھا؟ جس پر عمران خان نے کہا کہ اس وقت یاد نہیں کہ تحریری طور پر کیا تھا یا نہیں، جو تین ملین ڈالرز تھے وہ بورڈ ممبر کی جانب سے واپس جمع کرا دیئے گئے تھے تو معاملہ ختم ہوگیا تھا۔وکیل خواجہ آصف نے کہا کہ معاملہ ختم نہیں، معاملہ تو وہیں سے شروع ہوتا ہے، جب 3 ملین ڈالر کی سرمایہ کاری کی گئی اس وقت ڈالر کا ریٹ 60 روپے تھا اور جب واپس آئے تو 120 روپے تھا۔عمران خان نے ہنستے ہوئے وکیل سے کہا کہ آپ ادھر ادھر کے سوال کرنے کے بجائے سچ پر آئیں تو معاملہ جلدی ختم ہو سکتا ہے جس پر خواجہ ا?صف کے وکیل نے کہا کہ آئندہ سماعت پر صرف 2 گھنٹے میں جرح مکمل کرلوں گا۔بعدازاں عدالت نے کیس کی مزید سماعت 28 جنوری تک ملتوی کردی

اسے سوشل میڈیا پر شیئر کریں۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

*

*
*