کراچی: مسلح ڈاکوؤں کے ایک گروپ نے مبینہ طور پر کراچی کے کورنگی کاز وے کے علاقے میں 100 سے زائد شہریوں کو لوٹ لیا، تفصیلات کے مطابق کورنگی کاز وے کے قریب مبینہ طور پر دس سے 12 ڈاکوؤں نے ناکہ لگا کر کاز وے پر پھنسے درجنوں افراد کو لوٹ لیا۔
ڈاکو شہریوں سے قیمتی سامان لوٹ کر فرار ہو گئے۔ عینی شاہدین کے مطابق پولیس ڈکیتی کی واردات کے 25 منٹ بعد جائے وقوعہ پر پہنچ گئی۔
کراچی میں اسٹریٹ کرائمز میں اضافہ ہو رہا ہے کیونکہ یکم جنوری سے اب تک میٹروپولیس میں چھیننے کی 11 ہزار وارداتیں ہو چکی ہیں۔