کراچی: شہر قائد میں ایک بار پھر شدید گرمی کی لہر سے شہری بلبلا اُٹھے، محکمہ موسمیات نے کہا ہے کہ شہر کا موسم آج گرم اور مرطوب رہے گا، جب کہ بارش کا کوئی امکان نہیں ہے۔
محکمہ موسمیات کے مطابق کم سے کم درجہ حرارت28.5 ڈگری سینٹی گریڈ ریکارڈ کیا گیا ہے، جبکہ موجودہ درجہ حرارت31 ڈگری سینٹی گریڈ ریکارڈ کیا گیا ہے۔
بیان کے مطابق کراچی میں ہوا میں نمی کا تناسب 69 فیصد ہے، مغرب سے 8 کلومیٹر فی گھنٹہ کی رفتار سے ہوائیں چل رہی ہیں۔
آج زیادہ سے زیادہ درجہ حرارت 37 سے 39 ڈگری سینٹی گریڈ رہنے کا امکان ہے جبکہ موسم نسبتاً گرم اور مرطوب رہنے کی پیشگوئی کی گئی ہے۔