پاکستان کی پہلی الیکٹرک بس سروس کا آغاز، بس ملیر ائیرپورٹ سے ہوکر سی ویو تک جائے گی، شرجیل میمن
بس بجلی سے چارج سے ہوتی ہے اور ایک چارج پر 240 کلومیٹر چلتی ہے ، بس کا کرایہ پچاس روپے رکھا گیا
ماحول دوست بس کس قسم کی آلودگی نہیں پھیلائے گی، ائیرپورٹ جانے والوں کو بہترین سہولت حاصل ہوگئی
تحریک انصاف والے تین سال سے زائد عرصے تک اقتدار میں رہے لیکن ٹکے کا کام نہیں کیا، میڈیا سے گفتگو
کراچی ( اسٹاف رپورٹر) کراچی میں ملک کی پہلی الیکٹرک بس سروس کا افتتاح کردیا، یہ بس ملیر، ایئرپورٹ سے ہوکر سی ویو تک جائے گی جس کا کرایہ پچاس روپے رکھا گیا ہے۔اطلاعات کے مطابق یہ افتتاح وزیر اطلاعات و ٹرانسپورٹ شرجیل انعام میمن نے کیا ان کے ہمراہ ناصر حسین شاہ، سعید غنی بھی موجود تھے۔افتتاح کے بعد میڈیا سے بات چیت میں انہوں نے بتایا کہ پیپلز پارٹی کی جانب سے کراچی کے لیے پہلی الیکٹرک بس سروس شروع کی جا رہی ہے، یہ بس ماحول دوست ہے جو کس قسم کی آلودگی نہیں پھیلائے گی، یہ بجلی سے چارج سے ہوتی ہے اور ایک چارج پر 240 کلومیٹر چلتی ہے، بس کی شروعات ملیر ٹینک چوک سے شروع ہوگی جو ایئر پورٹ سے شارع فیصل سی ویو تک جائے گی۔انہوں نے کہا کہ ایسی کوئی بس سروس ایئرپورٹ تک نہیں جاتی، پرائیویٹ ٹیکسی ایئرپورٹ تک 1500 روپے تک وصول کرتی ہے جب کہ الیکٹرک بس سروس کا کرایہ 50 روپے ہوگا۔انہوں نے کہا کہ کراچی میں اربوں روپے کے منصوبوں پر کام جاری ہے، کراچی پاکستان کا معاشی حب ہے جس میں کسی نے پہلے ایسی پروجیکٹ نہیں دیئے، عوام سے گزارش ہے کہ اس بس کا خیال رکھیں یہ سہولت آپ کے لیے ہے اس طرح کے مزید پروجیکٹس لائیں گے، پیپلز پارٹی باتیں نہیں کام کرتی ہے۔انہوں نے کہا کہ تحریک انصاف والے تین سال سے زائد عرصے تک اقتدار میں رہے لیکن ٹکے کا کام نہیں کیا، انہوں نے کراچی کے لیے کیا کیا؟ سندھ کے لیے کیا کیا