کراچی: مختلف علاقوں میں صبح سویرے بوندا باندی

کراچی کے مختلف علاقوں میں صبح سویرے بوندا باندی ہوئی ہے، جس سے سڑکوں پر پھسلن پیدا ہو گئی۔

کراچی میں ایم اے جناح روڈ، صدر، کلفٹن، ملیر، شارعِ فیصل اور اطراف میں بوندا باندی ہوئی ہے۔

محکمۂ موسمیات کے مطابق شہرِ قائد میں آئندہ 24 گھنٹوں کے دوران مطلع جزوی ابر آلود رہنے کا امکان ہے۔

کراچی میں کم سے کم درجۂ حرارت 27.5 ڈگری سینٹی گریڈ ریکارڈ کیا گیا جبکہ زیادہ سے زیادہ درجۂ حرارت 34 ڈگری سینٹی گریڈ تک رہنے کا امکان ہے۔

شہر میں چلنے والی ہوا میں نمی کا تناسب 85 فیصد ریکارڈ ہوا ہے۔