پرچی، سفارشی جیسے منفی تبصروں پر اعظم خان پھٹ پڑے

پرچی ، سفارشی، آلو، موٹا، عزت، سست اور پہلوان جیسے نام لکھ کر منفی تبصرے کیے جاتے ہیں

ہر روز خود کو بہتر کرنے کی کوشش کرتا ہوں تاکہ بہترین کرکٹر بن سکوں۔اعظم خان کا جواب

کراچی ( اسپورٹس ڈیسک) پاکستان کے جارحانہ کرکٹر اعظم خان پرچی ، سفارشی، آلو، موٹا جیسے منفی تبصروں پر پھٹ پڑے۔مقبول ترین فوٹو اینڈ ویڈیو شیئرنگ سائٹ انسٹاگرام پر اعظم نے دوتصاویر شیئر کی ہیں۔اعظم خان کی جانب سے شیئر کی گئی ایک تصویر میں پرچی ، سفارشی، آلو، موٹا، عزت، سست اور پہلوان جیسے نام لکھے ہیں جبکہ دوسری تصویر میں لکھا ہے کہ ایک کھلاڑی جو سپر فٹ ہے اور 400 رنز بناتا ہے اور دوسرا جو سپر فٹ نہیں ہے اور 800 رنز اسکور کرتا ہے تو میں اپنی ٹیم میں اس کا انتخاب کروں گا جس نے 800 رنز بنائے ہیں۔کرکٹر اعظم خان نے اپنی انسٹا پوسٹ میں لکھا کہ روز سوشل میڈیا پر نئے منفی تبصروں کا سامنا کرنا پڑتا ہے۔انہوں نے لکھا کہ میرا ایک ہی مقصد ہوتا ہے، میں جس کھیل کو پسند کرتا ہوں اس کو کھیلتا رہوں۔اعظم خان کا یہ بھی کہنا ہے کہ ہر روز خود کو بہتر کرنے کی کوشش کرتا ہوں تاکہ بہترین کرکٹر بن سکوں۔

اسے سوشل میڈیا پر شیئر کریں۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

*

*
*