وزیراعظم کی سابقہ اہلیہ جمائما شدید زخمی ہو گئیں

وزیر اعظم عمران خان کی سابقہ اہلیہ جمائما گولڈ اسمتھ شدید زخمی ہو گئیں۔

میڈیا رپورٹس کے مطابق سماجی رابطے کی ویب سائٹ انستاگرام پر جمائما گولڈ اسمتھ نے اسٹوری میں اپنی ایک تصویر شئیر کی ، جس میں ان کی ناک پرزخم واضح طور پر نظر آ رہے ہیں۔

جمائما کی ناک پر پڑے نیل سے اندازہ لگایا جا سکتا ہے کہ وہ کافی تکلیف میں ہیں۔

تاہم انہوں نے اپنی اس تصویر کے کیپشن میں لفظوں میں بات کرنے کے بجائے ایموجیز میں بات کی، جس سے یہ واضح ہےکہ اُنہیں ناک پر چوٹ اسکینگ کرتے ہوئے آئی ہے۔

جمائما کا اردو سے واقفیت کا اعتراف

حال ہی میں جمائما گولڈ اسمتھ کا ایک پرانا ویڈیو کِلپ سوشل میڈیا پر خوب وائرل ہوا ، جس میں وہ پاکستان کی قومی زبان اردو سے واقفیت کا اعتراف کررہی ہیں۔

ایک پاکستانی شہری جمائما کو مخاطب کرتے ہوئے سوال پوچھتے ہیں کہ کیا آپ کو پنجابی آتی ہے؟

جس کا جواب جمائما خان اردو میں دیتے ہوئے کہتی ہیں کہ نہیں! مجھے پنجابی تو نہیں البتہ اردو آتی ہے۔