پنجاب کے وزیر اعلیٰ عثمان بزدار کے نام نہاد استعفے کا حتمی فیصلہ اگلے ماہ کے شروع میں ہوگا جب قومی اسمبلی میں تحریک عدم اعتماد کا مرحلہ گزر جائے گا جب کہ عدم اعتماد کے ووٹوں کی گنتی 3 اپریل کو ہوسکتی ہے۔
باخبر ذرائع نے بتایا ہے کہ وزیر اعظم نے عثمان بزدار کا استعفیٰ چوہدری پرویز الٰہی اور ان کے بیٹے مونس الٰہی کو پیر کے دن دکھایا ہے۔
اسی طرح حزب اختلاف نے بھی وزیراعلیٰ کے عہدے کے لیے غور شروع کردیا ہے۔
اس کے علاوہ جن افراد کے نام وزیر اعلیٰ پنجاب کے لیے سامنے آرہے ہیں ان میں عبدالعلیم خان ،حمزہ شہباز شریف اور سردار اویس لغاری شامل ہیں۔