آئی جی کا محکمہ پولیس سے کالی بھیڑوں کا نکالنے کا اعلان، منشیات فروشوں کے سہولت کاروں کو نوکری سے فارغ کرنے کا حکم
ڈی آئی جی حیدرآباد کے آفس میں اعلیٰ سطحٰ کااجلاس ،منشیات، گٹکا،ماوا کے پیڈلرز کی گرفتاریوں،جرائم کی صورتحال پر پولیس ایکشن،شعبہ تفتیش کی تنظیم نو اور چائینیز باشندگان کی سیکیورٹی پر بریفنگ
معاشرے میں جرائم کے پنپنے کا سبب منشیات کے اڈے ہیں ۔منشیات، گٹکا،ماوا کے خلاف کامیاب ایکشن اور اس فعل میں ملوث عناصر اور ان کے سہولت کاروں کی بیخ کنی ہمارا ہدف ہیں، غلام نبی میمن
مختلف ترقیاتی پروجیکٹس سے منسلک چائینیز ماہرین/باشندگان کی سیکیورٹی کو ٹھوس اور فول پروف بنایا جائے، غیرمجاز افرادی قوت کو واپس لیکر انھیں تھانہ جات کے ڈسپوذل پر دیا جائے، اجلاس سے خطاب
کراچی/حیدرآباد ( کرائم رپورٹر )آئی جی سندھ غلام نبی میمن کی ذیر صدارت ڈی آئی جی حیدرآباد کے آفس میں اعلیٰ سطحٰ کا اجلاس کا انعقاد کیا گیااجلاس ایجنڈا میں شامل منشیات، گٹکا،ماوا کے پیڈلرز کی گرفتاریوں کی پروگریس،جرائم کی صورتحال پر پولیس ایکشن،شعبہ تفتیش کی تنظیم نو جیسے اقدامات اور چائینیز باشندگان کی سیکیورٹی پر رینج ڈی آئی جیز نے بریفنگ دی آئی جی سندھ پولیس غلام نبی میمن نے محکمے سے کالی بھیڑوں کو نکالنے کیلئے اعلان جنگ کردیا منشیات فروشوں کے سہولت کاروں کو نوکریوں سے فارغ کیا جائے حیدرآباد میں افسران کے اجلاس سے خطاب کرتے ہوئے انہوں نے کہا کہ غلام نبی میمن کا کہنا تھا کہ معاشرے میں جرائم کے پنپنے کا سبب منشیات کے آڈے ہیں لھذٰامنشیات، گٹکا،ماوا کے خلاف کامیاب ایکشن اور اس فعل میں ملوث عناصر کی بیخ کنی ہمارا ہدف ہیں جبکہ مرتکب ٹھرائے جانیوالے انکے سہولتکاروں کو ملازمت سے برطرف کرکے محکمہ پولیس کو کالی بھیڑوں سے پاک کرنا از حد ضروری ہوگیا ہے انہوں نے کہا کہ غیرمجاز افرادی قوت کو واپس لیکر انھین تھانہ جات کے ڈسپوذل پر دیا جائے۔
ان کا کہنا تھا کہ میرا پیغام نچلی سطح تک پہنچایا جائے۔انہوں نے ایس ڈی پی اوز کی کارکردگی کو مذید بہتر بنانیکی ہدایات دیں آئی جی سندھ نے ہدایات دیں کہ مختلف ترقیاتی پروجیکٹس سے منسلک چائینیز ماہرین/باشندگان کی سیکیورٹی کو ٹھوس اور فول پروف بنایا جائے۔ اجلاس میں ایڈیشنل آئی جی اسپیشل برانچ سندھ،حیدرآباد میرپورخاص،شہید بینظیرآباد رینج کے ڈی آئی جیز انکے متعلقہ ضلعی ایس ایس پیز اور ایس ایس پیز اسپیشل برانچ نےشرکت کی منشیات ، گٹک ماوا کی خرید وفروخت اور اسکی نقل وحمل میں ملوث ملزمان کی گرفتاریوں پر مشتمل پروگریس رپورٹ میں بتایا گیا کہ حیدرآباد رینج میں نارکوٹکس مافیا کے 392جبکہ گٹکا/ماوا کی خریدو فروخت میں ملوث 1023 ملزمان کو گرفتار کیا گیا میرپورخاص میں بالترتیب 54 اور 77 جبکہ شہید بینظیر آباد میں گرفتار کیئے گئے ایسے ملزمان کی تعداد 281 اور 695 رہی آئی جی سندھ نے ہدایات دیں کہ حیدرآباد،میرپور خاص اورشہیدبینظیر آباد رینج میں امن وامان کی صورتحال اور جرائم پیشہ عناصر کے خلاف کاروائیوں کو تیز کیا جائے انہوں نے کہا کہ شعبہ تفتیش کی تنظیم نو کے لئے اٹھائے گئے اقدامات پر عمل درآمد کو یقینی بنایا جائے اور مقدمات کے کامیاب منطقی انجام کے لئے باصلاحیت اور پیشہ ور انویسٹی گیشن افسران کو تعینات کیا جائے انہوں نے مذید کہا کہ تفتیش کی مد میں ہونیوالے اخراجات کی بروقت ادائیگی کو بھی ممکن بنانے کے علاوہ قتل کے مقدمات کو متعلقہ ایس ایچ اوز خود ہینڈل کریں ان کا کہنا تھا کہ مفرور اور اشتہاری ملزمان کے قومی شناختی کارڈز اور بنک اکاو¿نٹ بلاک کرنیکے لئے ہر ممکن اقدامات کئے جائیں۔آئی جی سندھ نے کہا کہ شعبہ تفتیش کے مجموعی امور و اقدامات کو مذید مربوط اور مو¿ثر بنایا جائے کیونکہ مختلف نوعیت کے جرائم میں ملوث گرفتار ملزمان کو مثالی سزاو¿ں میں شعبہ تفتیش کا کردار انتہائی اہمیت رکھتا ہے غلام نبی میمن کا کہنا تھا کہ معاشرے میں جرائم کے پنپنے کا سبب منشیات کے آڈے ہیں لھذٰا منشیات، گٹکا،ماوا کے خلاف کامیاب ایکشن اور اس فعل میں ملوث عناصر کی بیخ کنی ہمارا ہدف ہیں جبکہ مرتکب ٹھرائے جانیوالے انکے سہولتکاروں کو ملازمت سے برطرف کرکے محکمہ پولیس کو کالی بھیڑوں سے پاک کرنا از حد ضروری ہوگیا ہے انہوں نے کہا کہ غیرمجاز افرادی قوت کو واپس لیکر انھیں تھانہ جات کے ڈسپوزل پر دیا جائے جبکہ میرا پیغام نچلی سطح تک پہنچایا جائے انہوں نے ایس ڈی پی اوز کی کارکردگی کو مذید بہتر بنانیکی بھی ہدایات دیں