فلم و ٹی وی اداکار فیروز خان سے متعلق سوشل میڈیا پر نئی قیاس آرائیاں شروع ہو گئی ہیں۔
اداکار فیروز خان اور اداکارہ نجیبہ فیض کی ایک ساتھ گھومتے پھرتے، سیر سپاٹے کرتے تصویریں سوشل میڈیا پر جنگل کی آگ کی طرح پھیل گئی ہیں۔
اِن تصویروں میں یہ دونوں فنکار ہائیکنگ کرتے اور ایک دوسرے کی موجودگی سے محظوظ ہوتے ہوئے دیکھے جا سکتے ہیں۔
سوشل میڈیا پر اِن وائرل تصویروں پر مداح جہاں تشویش میں مبتلا ہوگئے ہیں وہیں کچھ حلقوں میں اِنہیں شوبز انڈسٹری میں نیا جوڑا بھی قرار دیا جا رہا ہے۔
ہر ہفتے لالی ووڈ نامہ سنانے والے میزبان مومن منشی اور اُن کی بہن ایمان نے ڈیجیٹل پلیٹ فارم پر جاری کی گئی نئی قسط میں فیروز خان اور نجیبہ فیض سے متعلق بات کی ہے۔
مومن کے مطابق فیروز خان بہت سارے ایسے اشارے دے رہے ہیں کہ جس سے اندازہ لگایا جا سکتا ہے کہ فیروز اور نجیبہ فیض کے درمیان دوستی بہت کچھ چھپائے بیٹھی ہے، ہو سکتا ہے کہ نجیبہ فیروز خان کا نیا پیار ہو۔
واضح رہے کہ گزشتہ دنوں ’جنگ‘ سے خصوصی گفتگو کے دوران فیروز خان نے دوسری شادی کے لیے لڑکی تلاش کرنے سے متعلق تصدیق کی تھی۔
وہ آئے دن سوشل میڈیا پر اپنے مداحوں کی جانب سے آگے بڑھنے کے مشورے کے جواب میں نیا پیار مل جانے سے متعلق اشارہ دے رہے ہوتے ہیں۔
