کراچی میں ایکسپو ویکسی نیشن سینٹر میں ویکسی نیشن کا عمل پھر شروع ہوگیا۔
ذرائع کے مطابق ویکسی نیشن کا عمل دوبارہ شروع کرنے کے بعد احتجاجی ملازمین مجبورا بغیر تنخواہوں کے کام کرنے پر مجبور ہیں، 200 سے زائد ملازمین کوابھی تک تنخواہیں فراہم نہیں کی جاسکی ۔
ویکسی نیشن سینٹرمیں دو ڈیٹا انٹری آپریٹرز اور چار ویکسینیٹرز کے ذریعے ویکسی نیشن کا عمل جاری ہے۔
ویکسی نیشن سینٹر میں ملازمین کی تعداد کم ہونے کے باعث شہریوں کو گھنٹوں انتظار کرنا پڑ رہا ہے۔
کراچی میں مثبت کیسز کی شرح 41 فیصد رپورٹ
کورونا کی پانچویں لہر،کراچی میں گزشتہ چوبیس گھنٹوں میں مثبت کیسز کی شرح 40.68 فیصد رپورٹ ہوئی ہے۔
محکمہ صحت سندھ کی جانب سے جاری کردہ اعدادوشمار کے مطابق سندھ میں کورونا کے مثبت کیسز کی شرح 12.81 فیصد تک جا پہنچی، گزشتہ چوبیس گھنٹوں میں سندھ میں کورونا کے 17 مریض انتقال کر گئے۔
محکمہ صحت کے ذرائع نے بتایا کہ کراچی میں گزشتہ چوبیس گھنٹوں میں 4779 کورونا کے ٹیسٹ لئے گئے جن میں سے 1944 مثبت آئے۔
حیدرآباد میں گزشتہ چوبیس گھنٹوں میں 929 ٹیسٹ کئے گئے جن میں سے 200 مثبت آئے،کورونا سے متاثرہ 1200 مریضوں کی حالت تشویشناک ہے۔
کراچی میں اب تک صرف 500 کیسز کی جنیوم سیکیونسنگ کے بعد تصدیق ہوئی ہے۔
ماہرین صحت کی اپیل
ماہرین صحت کا کہنا ہےکہ روزانہ رپورٹ ہونے والے زیادہ تر کیسز اومیکرون کے ہیں، فروری کے وسط تک یہ لہر اپنے عروج پر ہوگی۔
ماہرین صحت نے اپیل کی ہے کہ شہری ویکسی نیشن کروائیں اور بوسٹر ڈوزلگوائیں۔
ملک میں کورونا مثبت کیسز کی شرح 13 فیصد تک جاپہنچی
ملک میں کورونا کا پھیلاؤ سنگین صورتحال اختیار کر گیا، مثبت کیسز کی شرح 12.81 فیصد تک جاپہنچی۔
نیشنل کمانڈ اینڈ آپریشن سینٹر کے تازہ ترین اعدادوشمار کے مطابق گذشتہ 24 گھنٹوں کے دوران
کورونا وائرس سے 17 افراد جاں بحق ہوگئے، جس کے بعد اموات کی تعداد 29 ہزار 122 ہوگئی۔
پاکستان میں کورونا کے تصدیق شدہ کیسز کی تعداد 13 لاکھ 81 ہزار 152 ہوگئی۔
نیاین سی او سی کے تازہ ترین اعدادوشمار کے مطابق گزشتہ 24 گھنٹوں کے دوران 6 ہزار 357 نئے کیسز رپورٹ ہوئے۔
پنجاب میں 4 لاکھ 66 ہزار 164، سندھ میں 5 لاکھ 29 ہزار 218، خیبرپختونخوا میں ایک لاکھ 85 ہزار 683، بلوچستان میں 33 ہزار 975، گلگت بلتستان میں 10 ہزار 510، اسلام آباد میں ایک لاکھ 20 ہزار 128 جبکہ آزاد کشمیر میں 35 ہزار 474 کیسز رپورٹ ہوئے۔