میئر کراچی مرتضیٰ وہاب نے اعلان کیا ہے کہ بارش سے متاثرہ کے ایم سی کی 106 سڑکوں کی بحالی کا کام اتوار سے شروع کر دیا جائے گا۔ ان کا کہنا تھا کہ کراچی آدھا ہو یا پورا، یہ ہمارا ہی شہر ہے اور ہم ہر علاقے میں جا کر عوام کی خدمت کر رہے ہیں۔
مرتضیٰ وہاب نے کہا کہ کراچی کی سڑکیں شدید متاثر ہوئی ہیں تاہم کے ایم سی کے زیر انتظام 106 مین شاہراہوں کی بحالی ان کی بطور میئر ذمہ داری ہے اور وہ اس ذمہ داری کو پورا کریں گے۔
انہوں نے مزید کہا کہ شہر کے مسائل کے مستقل حل کے لیے اسٹیک ہولڈرز کو مل بیٹھ کر فیصلے کرنے ہوں گے، کیونکہ ماضی کے تمام میئرز بھی یہ تجویز دیتے رہے ہیں کہ ایک واضح کمانڈ اسٹرکچر ہونا ضروری ہے۔