دورہ آسٹریلیا کے لیے پاکستانی سکواڈ کا اعلان.

چیف سلیکٹر وہاب ریاض نے پیر کو آئندہ ماہ دورہ آسٹریلیا کے لیے پاکستان کے اسکواڈ کا اعلان کیا۔ سیریز کا آغاز 14 دسمبر سے پرتھ میں پہلے ٹیسٹ سے ہوگا۔ پاکستان سکواڈ میں شان مسعود (کپتان)، عامر جمال، عبداللہ شفیق، ابرار احمد، بابر اعظم، فہیم اشرف، حسن علی، امام الحق، خرم شہزاد، میر حمزہ، محمد رضوان، محمد وسیم جونیئر، نعمان علی، صائم ایوب، سلمان علی آغا، شاہین آفریدی، سعود شکیل، سرفراز احمد شامل ہیں۔
پاکستان اور آسٹریلیا کے مابین سیریز کا پہلا ٹیسٹ 14 سے 18 دسمبرتک پرتھ سٹیڈیم میں کھیلا جائے گا، دوسرا ٹیسٹ 26 سے 30 دسمبر تک میلبورن کرکٹ گرائونڈ میں ہوگا جب کہ تیسرا اور آخری ٹیسٹ 3 سے 7 جنوری تک سڈنی کرکٹ گرائونڈ میں کھیلا جائے گا۔
چیف سلیکٹر وہاب ریاض نے کہا کہ ’سکواڈ کو آسٹریلیا کی مشکل حالات کو مدنظر رکھتے ہوئے تیار کیا گیا ہے۔
ہم نے پچوں کو ذہن میں رکھا ہے اور ٹیم میں تیز گیند بازی کے مزید وسائل شامل کیے ہیں تاکہ اس بات کو یقینی بنایا جا سکے کہ انتظامیہ کو تینوں ٹیسٹ میچوں میں ٹیم کمبی نیشن بنانے کے وسائل میسر ہوں "۔ وہاب ریاض نے مزید کہا کہ “صائم ایوب کو اس سال کے غیر معمولی ڈومیسٹک سیزن کے بعد ٹیم میں شامل کیا گیا ہے۔ انہوں نے قائد اعظم ٹرافی اور پاکستان کپ کے دوران بلے سے متاثر ہوکر اپنے انتخاب کے معاملے کو آگے بڑھایا۔