وزارت خزانہ سے جاری نوٹیفکیشن کے مطابق نئی قیمت کا اطلاق اگلے 15 روز کے لیے ہوگا
حکومت نے پٹرولیم مصنوعات کی قیمتوں میں کمی کردی ہے جبکہ پیٹرول کی فی لیٹر قیمت 252 روپے 10 پیسے برقرار رکھی ہے۔
وزارت خزانہ کی جانب سے جاری نوٹیفکیشن میں کہا گیا کہ آئل اینڈ گیس ریگولیٹری اتھارٹی (اوگرا) نے گزشتہ 15 روز کے دوران عالمی مارکیٹ میں قیمتوں کے اتار چڑھاؤ کو مدنظر رکھتے ہوئے پیٹرولیم مصنوعات کی قیمت پر کام کیا۔
حکومت کی جانب سے فیصلہ کیا گیا کہ اگلے 15 روز کے لیے پیٹرولیم مصنوعات کی قیمت میں رودو بدل کی جائے۔
نوٹیفکیشن میں بتایا گیا کہ نئی قیمتوں کا اطلاق 16 دسمبر سے اگلے 15 روز کے لیے ہوگا۔