ایران کے میڈیا آپریشنز سینٹر نے ایک تشویشناک وارننگ جاری کرتے ہوئے دبئی اور دوحہ کے مخصوص علاقوں کے رہائشیوں کو ممکنہ حملوں کے پیشِ نظر فوری طور پر علاقہ خالی کرنے کی ہدایت کر دی ہے؛ ایرانی میڈیا کے مطابق ان مقامات پر امریکی فوجی اہلکاروں کی موجودگی کے باعث انہیں ہدف بنایا جا سکتا ہے، جس کے پیشِ نظر عام شہریوں کی حفاظت کے لیے یہ انتباہ جاری کیا گیا ہے۔ ایران اس سے قبل بھی متعدد بار خلیجی ممالک میں موجود امریکی فوجی تنصیبات کو اپنے ممکنہ اہداف قرار دے چکا ہے، تاہم حالیہ براہِ راست وارننگ نے خطے میں جاری کشیدگی کو ایک نئے اور سنگین موڑ پر لا کھڑا کیا ہے جس سے دبئی اور دوحہ جیسے بین الاقوامی تجارتی و سفارتی مراکز میں خوف و ہراس پھیلنے کا خدشہ پیدا ہو گیا ہے۔