اسلام آباد، پشاور، سوات اور کرم سمیت پنجاب کے علاقے پنڈدادن خان اور گرد و نواح میں زلزلے کے شدید جھٹکے محسوس کیے گئے ہیں، جس کے باعث شہریوں میں شدید خوف و ہراس پھیل گیا اور وہ کلمہ طیبہ کا ورد کرتے ہوئے گھروں اور دفاتر سے باہر نکل آئے۔
زلزلہ پیما مرکز کے مطابق زلزلے کی شدت ریختر اسکیل پر 5.6 ریکارڈ کی گئی ہے جبکہ اس کا مرکز افغانستان کا ہندوکش ریجن تھا اور گہرائی 114 کلو میٹر زیرِ زمین تھی؛ فی الحال کسی جانی یا مالی نقصان کی اطلاع موصول نہیں ہوئی ہے تاہم انتظامیہ کو الرٹ کر دیا گیا ہے۔ زلزلے کے جھٹکے اتنے شدید تھے کہ خیبر پختونخوا کے بالائی علاقوں اور جہلم تک محسوس کیے گئے، جس سے لوگوں میں زلزلے کے پرانے خدشات دوبارہ تازہ ہو گئے۔