نارتھ ناظم آباد میں واقع نفیساتی اسپتال سے بھاگنے والے تیس مریضوں کا علاقہ مکینوں کے گھروں پر دھاوا
نفسیاتی مریضوں نے اسپتال کے گارڈ پر بھی تشدد کیا، جیپ لے کر بھاگے تھے جو کچھ دیر بعد علاقے سے کھڑی مل گئی
پولیس نے سرچ آپریشن کرکے 5مریضوں کو تحویل میں لے لیا، بیشتر ابتک مفرور ہیں، علاقے میں خوف وہراس کی لہر
کراچی ( کرائم رپورٹر) نارتھ ناظم آباد میں واقع نفسیاتی اسپتال میں زیرعلاج تیس سے زائد مریض بھاگ نکلے اور علاقہ مکینوں کے گھروں پر دھاوا بول دیا۔ تفصیلات کے مطابق کراچی کے علاقے نارتھ ناظم آباد میں نفسیاتی اسپتال میں زیر علاج تیس سے زائد مریض فرار ہوگئے۔ پولیس نے علاقے میں سرچ آپریشن کیا اور اسپتال انتظامیہ کی مدد سے 5مریضوں کودوبارہ تحویل میں لے لیا جبکہ کئی مریض اب بھی مفرور ہیں فرار ہونے والے نفسیاتی ڈنڈا بردار مریضوں نے علاقہ مکینوں کے گھروں پر دھاوا بول دیا، گھروں اورگاڑیوں کو نقصان پہنچایا۔ پولیس کے مطابق 30 سے زائد نفسیاتی مریضوں نے اسپتال کےایک گارڈپربھی تشدد کیا جبکہ نفسیاتی مریض ایک جیپ لیکرفرارہوئے، جو علاقے سے کچھ دیر بعد مل گئی۔ پولیس کا کہنا ہے کہ واقعہ دوپہر کو پیش آیا تھا ، اور کئی مریض اب بھی مفرور ہیں، فرارہونے والوں میں کچھ نفسیاتی مریض اورکچھ نشےکے عادی تھے