الیکشن کمیشن آف پاکستان (ای سی پی) نے ایم کیو ایم پی کی سفارش پر سندھ حکومت کی جانب سے تعینات کیے گئے ایڈمنسٹریٹرز کو ہٹانے کا حکم دے دیا۔ الیکشن کمیشن نے سندھ حکومت کو خط لکھ کر حیدرآباد، ڈی ایم سی کورنگی اور ایسٹ کے ایڈمنز کی تعیناتی واپس لینے کا حکم دے دیا۔
خط میں کہا گیا کہ حیدرآباد اور کراچی میں بلدیاتی انتخابات کے دوسرے مرحلے کے شیڈول کا اعلان کردیا گیا ہے اور کمیشن نے انتخابات مکمل ہونے تک تقرریوں اور تبادلوں پر پابندی عائد کردی ہے۔