لیاری میں مطلوب ملزم کی گرفتاری کیلیے پولیس کا چھاپہ،مبینہ جھڑپ کے دوران بزرگ خاتون جاں بحق
علاقہ پولیس منشیات اور گٹکے کی ایف آئی آر پر ایک شخص کو گرفتار کرنے آئی، حراست میں لینے کے دوران ہنگامہ آرائی
پولیس پر وہاں موجود افراد کا تشدد ، اہلکاروں نے نکلنے کیلیے فائرنگ کی، جھڑپ کے دوران خاتون جاں بحق ہوگئی، علاقہ مکین
خاتون کا انتقال واقعے سے تین گھنٹے قبل ہوا تھا ،انتقال کو جواز بنا کر گٹکا فروش کی جانب سے ہنگامہ آرائی کی گئی، پولیس
کراچی ( کرائم رپورٹر )لیاری میں پولیس کی مطلوب ملزم کی گرفتاری کے لیے آنے پر مبینہ طور پر جھڑپ کے دوران بزرگ خاتون دل کا دورہ پڑنے سے جاں بحق ہو گئی ہیںپولیس کے مطابق منیشات اور گٹکے کی آئی آر پر پولیس ایک شخص کو گرفتار کرنے پہنچی تھی گرفتاری کے دوران ہنگامہ آرائی ہوئی _ وہاں موجود افراد نے پولیس پر تشدد شروع کیا تو اہلکار کی جانب سے نکلنے کے لیے ہوائی فائرنگ بھی کی گئی، پولیس کا کہنا ہے کہ باوثوق ذرائع سے پتا چلا ہے خاتون کا انتقال اس واقعے سے دو سے تین گھنٹے قبل ہوا تھا لیکن خاتون کے انتقال کو جواز بنا کر گٹکا فروش کی جانب سے ہنگامہ آرائی کی گئی ، پولیس کا یہ بھی کہنا ہے کہ اگر پوسٹ مارٹم کی اجازت دی جائے تو انتقال کی وجہ اور وقت دونوں سامنے آجائیں گے