کراچی(11 اکتوبر 2025): شہر قائد کے علاقے کورنگی کاز وے کی زمین سے سونے کے ذرات نکلنے کا انکشاف ہوا ہے۔
تفصیلات کے مطابق کراچی کے علاقے کورنگی میں کازوے کی زمین سونا اگلنے لگی، کراچی کے مختلف علاقوں سے بڑی تعداد میں لوگ بیلچے چھلنیاں ململ کا کپڑا لے کر قسمت آزمانے پہنچ گئے۔
ذرائع کا کہنا ہے کہ درجنوں کی تعداد میں بچے بوڑھے جوان اور خواتین قسمت آزمانے پہنچ گئے، شہری سرجانی نیو کراچی شیر شاہ ناگن اور کورنگی کے مختلف علاقوں سے پہنچی ہیں۔
لوگ موٹرسائیکلوں رکشہ ٹیکسیوں اور دیگر طریقے سے یہاں پہنچنے والے شہریوں نے کاز وے سے متصل زمین پر مختلف جگہوں پر چھوٹے بڑے گڑھے کر دیے۔
گڑھوں سے نکلنے والی مٹی کو پہلے جالی پر چھانا جا رہا ہے، جالی پر چھانے جانے والی مٹی کو پانی کے اندر ڈبویا جارہا ہے، شہری کا کہنا ہے کہ مٹی سے سونے کے ذرات پیتل لوہا اور دیگر اشیاء نکل رہی ہیں۔
علاقے میں موجود شہری کا کہنا تھا کہ تین دن سے فیملی سمیت یہاں پر ہوں، قسمت آزما رہے ہیں کس کا سونا نکلے اور کس کا پیتل پتہ نہیں، شہریوں کی بڑی تعداد کی جانب سے قسمت ازمائی جا رہی ہے۔