اس وقت ہوا کا واضح کم دباؤ بھارتی گجرات میں موجود ہے، ہوا کا یہ کم دباؤ مزید شدت اختیار کرکے ڈیپریشن میں تبدیل ہوسکتا ہے: موسمیاتی تجزیہ کار
کراچی: موسمیاتی تجزیہ کار جواد میمن نے آج شہر میں موسم شدید گرم اور مرطوب رہنے کا امکان ظاہر کیا ہے۔
موسمیاتی تجزیہ کار کے مطابق آج زیادہ نمی کی وجہ سے شہر کا درجہ حرارت 38 سے 40 ڈگری سینٹی گریڈرہ سکتا ہے جس کی شدت 43 ڈگری سینٹی گریڈ سے زائد محسوس کی جاسکتی ہے۔
جواد میمن نے بتایا کہ پوسٹ مون سون مضبوط ہوا کے کم دباؤ سے سمندری ہوائیں منقطع رہیں گی، اس وقت ہوا کا واضح کم دباؤ بھارتی گجرات میں موجود ہے، ہوا کا یہ کم دباؤ مزید شدت اختیار کرکے ڈیپریشن میں تبدیل ہوسکتا ہے۔
موسمیاتی تجزیہ کار کے مطابق اسی سسٹم کے زیر اثر کراچی میں سمندری ہوائیں منقطع ہیں اور اس سسٹم کے بحیرہ عرب میں آنے کا امکان موجود ہیں۔
جواد میمن کا کہنا تھا کہ آج شہر کے مضافات میں کہیں گرج چمک کے بادل بن سکتے ہیں جب کہ 30 ستمبر کو کراچی میں کہیں کہیں بارش کا امکان موجود ہے۔