کراچی میں ملیریا کے کیسز میں اضافہ، ملیر سب سے زیادہ متاثر

سندھ محکمہ صحت کے ترجمان کے مطابق رواں سال کراچی سے ملیریا کے 2 ہزار 242 کیس رپورٹ ہوئے ہیں۔ سب سے زیادہ متاثرہ ضلع ملیر رہا، جہاں جون تک 205 جبکہ 21 ستمبر تک مزید 649 کیس سامنے آئے۔ ترجمان کے مطابق سندھ بھر میں رواں سال اب تک ملیریا کے ایک لاکھ 62 ہزار 91 کیس رپورٹ ہوچکے ہیں۔

ڈاکٹرز کا کہنا ہے کہ حالیہ بارشوں کے بعد ملیر میں ملیریا کے کیسز میں تقریباً 50 فیصد اضافہ ہوا ہے اور یہ ضلع شہر میں سب سے زیادہ متاثر نظر آ رہا ہے۔