کراچی میں ڈینگی کے کیسز میں تیزی سے اضافہ جاری ہے۔ محکمۂ صحت سندھ کے مطابق رواں ماہ شہر میں ڈینگی کے 49 کیسز رپورٹ ہوئے ہیں، جن میں سب سے زیادہ مریض ضلع شرقی سے سامنے آئے ہیں۔
ترجمان محکمۂ صحت کے مطابق ضلع شرقی میں 17 کیسز رپورٹ ہوئے، جبکہ ضلع ملیر میں 8، کورنگی میں 7، ضلع وسطی اور جنوبی میں 6، کیماڑی میں 3 اور ضلع غربی میں 2 کیس سامنے آئے ہیں۔ محکمہ نے یہ بھی تصدیق کی ہے کہ رواں سال سندھ بھر میں ڈینگی کے باعث اب تک دو افراد جان کی بازی ہار چکے ہیں۔
ماہرینِ صحت نے شہریوں پر زور دیا ہے کہ وہ احتیاطی تدابیر پر سختی سے عمل کریں اور مچھر سے بچاؤ کے اقدامات کو یقینی بنائیں۔ کسی بھی بخار یا مشتبہ علامات کی صورت میں فوری طور پر قریبی ڈاکٹر یا اسپتال سے رجوع کرنے کی ہدایت کی گئی ہے۔