عالمی اور مقامی مارکیٹ میں سونا مزید مہنگا ہو گیا جس کے بعد قیمت تاریخ کی بلند ترین سطح پر پہنچ گئی ہے۔ آل پاکستان صرافہ جیمز اینڈ جیولرز ایسوسی ایشن کے مطابق ملک میں سونے کی قیمت تاریخ کی نئی بلند ترین سطح پر جا پہنچی ہے، فی تولہ سونے کی قیمت میں 6 ہزار روپے کا اضافہ ہو گیا ہے جس کے بعد فی تولہ سونا 3 لاکھ ، 76 ہزار 700 روپے کا ہو گیا۔ اسی طرح ملک 10 گرام سونے کی قیمت 5144روپے بڑھ کر 3لاکھ 22ہزار 959روپے کی نئی بلند ترین سطح پر آگئی۔ دوسری جانب انٹرنیشنل گولڈ مارکیٹ میں 60 ڈالر کے اضافے کے بعد فی اونس سونا تین ہزار 540 ڈالر کا ہو گیا ہے۔