کراچی میں بارش کی وجہ سے مختلف علاقوں میں بجلی غائب ہوگئی۔
شہر کے مختلف علاقوں میں صبح سے وقفے وقفے سے بارش کا سلسلہ جاری ہے، ایسے میں کیماڑی، ماڑی پور، سائٹ ایریا اور نمائش سمیت دیگر علاقوں میں بجلی معطل ہوگئی۔
اس حوالے سے ترجمان کے الیکٹرک کا کہنا ہے کہ نشیبی علاقوں میں حفاظتی اقدامات کے تحت بجلی عارضی بند کی جاسکتی ہے،کے الیکٹرک صورتحال کا جائزہ لے رہا ہے اور فیلڈ اسٹاف الرٹ پر ہے۔
ترجمان نے کہا کہ شہر کے مختلف علاقوں میں بارش کی اطلاعات موصول ہو رہی ہیں، شہری تیز ہواؤں اور بارش کے دوران برقی آلات کے استعمال میں احتیاط کریں۔
ترجمان کے الیکٹرک کے مطابق ادارےکی قیادت اور عملہ متحرک ہے اور صورتحال کا جائزہ لے رہے ہیں جب کہ 2100 میں سے1750 سے زائدفیڈرز سے بلا تعطل بجلی کی فراہمی جاری ہے۔