ایف آئی اے کراچی زون کا حوالہ ہنڈی کے منظم گینگ کے خلاف بڑی کارروائی، کروڑوں مالیت کی ملکی و غیر ملکی کرنسی برآمد

پی آر نمبر: 592/2025
فیڈرل انویسٹیگیشن ایجنسی (ایف آئی اے) ہیڈکوارٹرز، اسلام آباد

ایف آئی اے کراچی زون نے حوالہ ہنڈی میں ملوث ایک منظم گینگ کے خلاف کریک ڈاؤن کرتے ہوئے بڑی کامیابی حاصل کرلی۔ کارپوریٹ کرائم سرکل کراچی نے خفیہ اطلاع پر کارروائی کرتے ہوئے کورنگی انڈسٹریل ایریا سے دو ملزمان، محمد جنید اور وسیم، کو گرفتار کرلیا۔

ابتدائی تفتیش کے دوران معلوم ہوا کہ ملزمان حوالہ ہنڈی کی غیر قانونی ترسیل کے لیے موٹر سائیکل کا استعمال کرتے تھے۔ گرفتار افراد سے موقع پر ہی 8 لاکھ روپے نقد برآمد کیے گئے۔

ملزمان کی نشاندہی پر سعیمہ لگژری ہومز میں ایک اور چھاپہ مارا گیا جہاں سے بڑی مقدار میں ملکی و غیر ملکی کرنسی، لیجرز اور دیگر اہم شواہد برآمد ہوئے۔

برآمد ہونے والی کرنسی میں:

99 لاکھ پاکستانی روپے

13,500 برطانوی پاؤنڈ

6,300 امریکی ڈالر

14,500 سعودی ریال

10,900 یو اے ای درہم

1,150 یورو

8,000 تھائی بھات


اس کے علاوہ 23 لاکھ روپے مالیت کے ڈیفنس سیونگ سرٹیفکیٹس بھی برآمد کیے گئے۔

ملزمان کے خلاف مقدمہ درج کر کے تفتیش کا آغاز کر دیا گیا ہے، جبکہ دیگر ملزمان کی گرفتاری کے لیے چھاپے جاری ہیں۔

— ترجمان ایف آئی اے